‘పుష్ప’, ‘యానిమల్‌’ వంటి చిత్రాలతో దేశవ్యాప్తంగా అగ్ర కథానాయికగా ఎదిగిన రష్మికా మందన ప్రస్తుతం తన తదుపరి చిత్రం ‘ది గర్ల్‌ఫ్రెండ్‌’ కోసం సిద్ధమవుతున్నారు. ఇటీవల విడుదలైన ఈ చిత్ర ట్రైలర్‌ సినీ వర్గాల్లో, అభిమానుల్లో హాట్‌ టాపిక్‌గా మారింది. రొమాంటిక్‌-యాక్షన్‌ జోనర్‌లో తెరకెక్కుతున్న ఈ సినిమాలో రష్మిక మునుపెన్నడూ లేని విధంగా తన గ్లామర్‌ కోణాన్ని మరింతగా ఆవిష్కరించింది. ట్రైలర్‌లో ఆమె ప్రదర్శించిన అందాల విందు, బోల్డ్‌ సన్నివేశాలు ప్రేక్షకులను ఆకర్షిస్తున్నాయి.
‘ది గర్ల్‌ఫ్రెండ్‌’ ట్రైలర్‌ను విశ్లేషిస్తే, ఈ చిత్రం ప్రేమ, నియంత్రణ, మరియు మానసిక బాధల మధ్య ఒక పోరాటంగా కనిపిస్తోంది. రష్మిక పాత్ర తన ప్రియుడిపై ప్రేమతో పాటు, అతని నుండి ఎదురయ్యే మానసిక అదుపు, ఒత్తిడిని ఎదుర్కోవడాన్ని హైలైట్‌ చేశారు. గ్లామర్‌ డోస్‌ పెరిగినప్పటికీ, రష్మిక తన పాత్రలో ఎమోషనల్‌ ఇంటెన్సిటీని కూడా పండిరచిందని విశ్లేషకులు అభిప్రాయపడుతున్నారు. ఈ చిత్రం కేవలం రొమాన్స్‌కే పరిమితం కాకుండా, సంబంధాలలో ఉండే చీకటి కోణాలను కూడా స్పృశించే అవకాశం ఉన్నట్లు తెలుస్తోంది.
https://twitter.com/iamRashmika
రష్మిక ఇటీవల తన కథానాయిక పాత్రల విషయంలో ప్రయోగాలకు ప్రాధాన్యత ఇస్తూనే, కమర్షియల్‌ చిత్రాలలో గ్లామర్‌ రోల్స్‌పై మరింత దృష్టి సారించినట్లు కనిపిస్తోంది. ఇప్పటికే హిందీలో ‘తమ్మా’ విజయంతో దూసుకుపోతున్న రష్మికకు, ‘ది గర్ల్‌ఫ్రెండ్‌’ మరో ముఖ్యమైన సినిమాగా మారనుంది. ట్రైలర్‌ విడుదలైన తర్వాత సోషల్‌ మీడియాలో రష్మిక గ్లామర్‌ లుక్స్‌పై, ఆమె ధైర్యవంతమైన పాత్ర ఎంపికపై విస్తృతంగా చర్చ జరుగుతోంది. ఈ చిత్రం ఆమె కెరీర్‌లో మరో మైలురాయిగా నిలుస్తుందని అభిమానులు ఆశిస్తున్నారు.
