ఢిల్లీ, అక్టోబర్‌ 27: భారత సర్వోన్నత న్యాయస్థానం సుప్రీంకోర్టు తదుపరి ప్రధాన న్యాయమూర్తి (%జజీI%)గా జస్టిస్‌ సూర్యకాంత్‌ నియమితులు కానున్నారు. ఈ మేరకు ప్రస్తుత ప్రధాన న్యాయమూర్తి జస్టిస్‌ బీఆర్‌ గవాయ్‌, తదుపరి సీజేఐగా జస్టిస్‌ సూర్యకాంత్‌ పేరును కేంద్ర న్యాయ మంత్రిత్వ శాఖకు అధికారికంగా సిఫార్సు చేశారు. సుప్రీంకోర్టులో అత్యంత సీనియర్‌ న్యాయమూర్తి సీజేఐ బాధ్యతలు చేపట్టడం అనేది ఆనవాయితీగా వస్తున్న పద్ధతికి అనుగుణంగానే ఈ సిఫార్సు జరిగింది. ప్రస్తుత సీజేఐ జస్టిస్‌ బీఆర్‌ గవాయ్‌ నవంబర్‌ 23న పదవీ విరమణ చేయనున్న నేపథ్యంలో, జస్టిస్‌ సూర్యకాంత్‌ను భారత 53వ ప్రధాన న్యాయమూర్తిగా నియమించేందుకు సిఫార్సు చేస్తూ గవాయ్‌ కేంద్ర న్యాయ మంత్రిత్వ శాఖకు లేఖ రాశారు. ఈ సిఫార్సు ఆమోదం పొందిన తర్వాత, జస్టిస్‌ సూర్యకాంత్‌ నవంబర్‌ 24, 2025న సీజేఐగా బాధ్యతలు చేపట్టనున్నారు. ఆయన ఫిబ్రవరి 9, 2027 వరకు, అంటే సుమారు 14 నెలలకు పైగా ఈ అత్యున్నత పదవిలో కొనసాగుతారు. జస్టిస్‌ సూర్యకాంత్‌ మే 24, 2019 నుంచి సుప్రీంకోర్టు న్యాయమూర్తిగా సేవలు అందిస్తున్నారు. హర్యానాకి చెందిన జస్టిస్‌ సూర్యకాంత్‌.. ఫిబ్రవరి 10, 1962న హిసార్‌లోని ఒక మధ్యతరగతి కుటుంబంలో జన్మించారు. 1981లో ప్రభుత్వ పోస్ట్‌ గ్రాడ్యుయేట్‌ కళాశాల నుండి పట్టభద్రుడై, 1984లో రోప్‌ాతక్‌లోని మహర్షి దయానంద్‌ విశ్వవిద్యాలయం నుండి న్యాయశాస్త్రంలో బ్యాచిలర్‌ డిగ్రీని పొందారు. 1984లోనే హిసార్‌ జిల్లా కోర్టులో న్యాయవాదిగా ప్రాక్టీస్‌ మొదలుపెట్టి, మార్చి 2001లో సీనియర్‌ న్యాయవాదిగా నియమితులయ్యారు. అనంతరం జనవరి 9, 2004న పంజాబ్‌ హర్యానా హైకోర్టుకు శాశ్వత న్యాయమూర్తిగా పదోన్నతి పొందారు.

ఆ తర్వాత అక్టోబర్‌ 5, 2018 నుండి హిమాచల్‌ ప్రదేశ్‌ హైకోర్టు ప్రధాన న్యాయమూర్తిగా పనిచేసిన జస్టిస్‌ కాంత్‌, 2019 మేలో సుప్రీంకోర్టు న్యాయమూర్తిగా పదోన్నతి పొంది ప్రస్తుతం సీనియర్‌ న్యాయమూర్తిగా కొనసాగుతున్నారు. సుప్రీంకోర్టు న్యాయమూర్తిగా ఆయన అనురాధ భాసిన్‌ వర్సెస్‌ యూనియన్‌ ఆఫ్‌ ఇండియా (2020) వంటి అనేక ముఖ్యమైన తీర్పులు వెలువరించారు. ఈ కేసులో జమ్మూ కాశ్మీర్‌లో ఇంటర్నెట్‌ యాక్సెస్‌ ఒక ప్రాథమిక హక్కు అని ఆయన ధర్మాసనం పేర్కొంది. సామాజిక న్యాయం, మానవ హక్కులు, పర్యావరణ పరిరక్షణతో పాటు రాజ్యాంగ స్ఫూర్తిని బలోపేతం చేసే అనేక సున్నితమైన కేసులలో జస్టిస్‌ సూర్యకాంత్‌ తీర్పులు ఇచ్చారు. కామన్‌ కాజ్‌ వర్సెస్‌ యూనియన్‌ ఆఫ్‌ ఇండియా (2018) వంటి పర్యావరణ సంబంధిత కేసులలో ఆయన కాలుష్య నియంత్రణకు కఠిన చర్యలను సమర్థించారు. మహిళా హక్కులు, లింగ సమానత్వం, ప్రైవసీ హక్కు వంటి అంశాలపై ఆయన వెలువరించిన తీర్పులు న్యాయ చరిత్రలో కీలకంగా నిలిచాయి.

https://tv9telugu.com/national/justice-surya-kant-set-to-be-the-next-chief-justice-cji-br-gavai-names-successor-1662270.html

 
ఢిల్లీ, అక్టోబర్‌ 27: దేశంలో వీధి కుక్కల దాడులు నిరంతరం పెరుగుతుండటంపై సుప్రీంకోర్టు తీవ్ర ఆందోళన వ్యక్తం చేసింది. ఈ అంశంపై విచారణ సందర్భంగా ధర్మాసనం సంచలన వ్యాఖ్యలు చేసింది. వీధి కుక్కల బెడద భారత ప్రతిష్టను అంతర్జాతీయ స్థాయిలో దెబ్బతీస్తోందని సుప్రీంకోర్టు వ్యాఖ్యానించింది. వీధి కుక్కల ఉన్మాదం మరియు అవి మానవులపై చేసే క్రూరత్వం గురించి ఏమంటారు అని పిటిషనర్లను ధర్మాసనం ప్రశ్నించింది. కుక్కల దాడులు పెరగడం ఆందోళన కలిగిస్తోందని, ఇలాంటి సంఘటనలు నిరంతరం జరుగుతున్నాయని కోర్టు విచారం వ్యక్తం చేసింది. వీధి కుక్కల బెడద కారణంగానే మన దేశాన్ని విదేశీయులు కించపరిచేలా మాట్లాడటానికి ఒక కారణం అవుతోందని సుప్రీంకోర్టు సంచలన వ్యాఖ్యలు చేసింది. ఈ వ్యాఖ్యలు దేశంలో వీధి కుక్కల నియంత్రణ అంశం ఎంత తీవ్రంగా ఉందో తెలియజేస్తున్నాయి.

https://vaartha.com/national/supreme-court-supreme-court-angered-by-stray-dogs/571445/

• రాష్ట్రాల సీఎస్‌లకు సమన్లు.. తీవ్ర ఆగ్రహం వ్యక్తం చేసిన సుప్రీం:

  వీధి కుక్కల సమస్యను పరిష్కరించడానికి మరియు నియంత్రించడానికి సంబంధించి సుప్రీంకోర్టు గతంలో జారీ చేసిన నియమాలను అమలు చేసే చర్యలపై అఫిడవిట్లు సమర్పించడంలో నిర్లక్ష్యం వహించిన రాష్ట్రాలపై జస్టిస్‌ విక్రమ్‌ నాథ్‌ తీవ్ర ఆగ్రహం వ్యక్తం చేశారు. పశ్చిమ బెంగాల్‌, తెలంగాణ రాష్ట్రాలు మినహా, సుప్రీంకోర్టు ఆదేశాల అమలు వివరాలను అఫిడవిట్‌ రూపంలో సమర్పించని అన్ని రాష్ట్రాలు, కేంద్రపాలిత ప్రాంతాల చీఫ్‌ సెక్రటరీలకు సుప్రీంకోర్టు సమన్లు జారీ చేస్తున్నట్లు జస్టిస్‌ విక్రమ్‌ నాథ్‌ తెలిపారు. అఫిడవిట్లను ఎందుకు సమర్పించలేదో వివరణ ఇవ్వాలని ఆయా రాష్ట్రాల చీఫ్‌ సెక్రటరీలను సుప్రీం ధర్మాసనం ఆదేశించింది. తదుపరి విచారణను వచ్చే సోమవారానికి వాయిదా వేశారు. ఈ సమన్లు మరియు ఆదేశాలు వీధి కుక్కల నియంత్రణకు రాష్ట్ర ప్రభుత్వాలు మరింత బాధ్యతాయుతంగా వ్యవహరించాల్సిన అవసరాన్ని నొక్కి చెబుతున్నాయి.

న్యూ ఢల్లీి, అక్టోబర్‌ 27: అమెరికాలో అక్రమ వలసలపై అధ్యక్షుడు డొనాల్డ్‌ ట్రంప్‌ యంత్రాంగం ఉక్కుపాదం మోపుతున్న నేపథ్యంలో, ‘‘డంకీ రూట్‌’’  ద్వారా దేశంలోకి ప్రవేశించారనే ఆరోపణలపై 54 మంది భారతీయులను అమెరికా బహిష్కరించింది. స్వదేశానికి వెనక్కి పంపబడిన వారిలో అధికశాతం హర్యాణా రాష్ట్రానికి చెందిన యువకులే కావడం గమనార్హం.

బహిష్కరణకు గురైన వారిలో 16 మంది కర్నాల్‌కు చెందినవారు, 15 మంది కైతాల్‌కు చెందినవారు ఉన్నారు. అలాగే అంబాలా (5), యమునా నగర్‌ (4), కురుక్షేత్ర (4), జింద్‌ (3), సోనిపట్‌ (2), పంచకుల, పానిపట్‌, రోహ్తక్‌, ఫతేహాబాద్‌ నుంచి ఒక్కొక్కరు ఉన్నారు. వీరంతా 25 నుంచి 40 ఏళ్ల మధ్య వయస్సు వారేనని, ఢల్లీిలోని ఇందిరా గాంధీ ఇంటర్నేషనల్‌ ఎయిర్‌పోర్ట్‌కు చేరుకున్నట్లు పోలీసులు ధ్రువీకరించారు.

https://telugu.samayam.com/latest-news/india-news/us-deports-54-indian-youth-over-illegally-enter-via-dunki-route/articleshow/124844532.cms

ఈ 54 మంది అక్రమంగా ‘డంకీ రూట్‌’ ద్వారా అమెరికాలోకి ప్రవేశించినట్లు కర్నాల్‌ డీఎస్పీ సందీప్‌ కుమార్‌ తెలిపారు. బహిష్కరణకు గురైన వారందరినీ పోలీసుల ద్వారా వారి కుటుంబ సభ్యులకు అప్పగించారు. ట్రంప్‌ అధికారంలోకి వచ్చినప్పటి నుంచి అక్రమ వలసలపై కఠిన నిబంధనలు అమలు చేస్తున్నారు. అమెరికాలో అక్రమంగా నివసిస్తున్న వారిని గుర్తించి పెద్ద సంఖ్యలో స్వదేశాలకు పంపిస్తున్నారు. ఈ ఏడాది కూడా వేల సంఖ్యలో అక్రమవలసదారులను దేశం నుంచి బహిష్కరించినట్లు సమాచారం.

పోషకాహార లోపం అంటే కేవలం ఆకలి కాదు, అది ఆరోగ్యానికి అవసరమైన సక్రమమైన పోషక పదార్థాలు అందకపోవడం. మన దేశంలో ఇది ఇంకా తీవ్రమైన సామాజిక సమస్యగా కొనసాగుతోంది. పిల్లలు, గర్భిణీలు, వృద్ధులు, పేదవర్గాల ప్రజలు దీనికి ఎక్కువగా గురవుతున్నారు. ఐక్యరాజ్యసమితి గణాంకాల ప్రకారం, ప్రపంచవ్యాప్తంగా ప్రతి సంవత్సరం కోట్లాది మంది పిల్లలు పోషకాహార లోపంతో బాధపడుతున్నారు. భారతదేశం వంటి అభివృద్ధి చెందుతున్న దేశంలో ఇది మరింత గంభీరమైన సవాలు. మన శరీరానికి అవసరమైన ప్రోటీన్‌, విటమిన్లు, ఖనిజ లవణాలు, కొవ్వులు, కర్బోహైడ్రేట్లు సరైన మోతాదులో అందకపోవడమే పోషకాహార లోపం. దీని ఫలితంగా శరీర వికాసం, రోగనిరోధక శక్తి, మానసిక అభివృద్ధి అంతరాయానికి లోనవుతాయి. పిల్లల్లో ఇది శారీరక ఎదుగుదలను మందగింపజేస్తుందిబీ గర్భిణీల్లో తక్కువ బరువుతో పిల్లలు పుట్టే ప్రమాదం పెరుగుతుంది.

https://www.youtube.com/watch?v=1yzGu7LpN5Y
భారతదేశం పోషకాహార లోపంతో పోరాడుతున్న దేశాలలో ఒకటి. ‘‘నేషనల్‌ ఫ్యామిలీ హెల్త్‌ సర్వే )’’ ప్రకారం, 5 సంవత్సరాల లోపు పిల్లల్లో సుమారు 35% మంది తక్కువ బరువుతో ఉన్నారు. గ్రామీణ ప్రాంతాల్లో ఈ శాతం మరింత ఎక్కువ. పేదరికం, నిరక్షరాస్యత, తల్లిదండ్రుల అవగాహన లేకపోవడం, శుభ్రమైన నీరు లేకపోవడం ు ఇవన్నీ ప్రధాన కారణాలు. మహిళలు, ముఖ్యంగా గర్భిణీలు మరియు పాలిచ్చే తల్లులు, పోషకాహార లోపానికి అత్యంత ప్రమాదంలో ఉన్న వర్గం. గర్భధారణ సమయంలో సరైన ఆహారం అందకపోతే తల్లీబిడ్డల ఆరోగ్యం రెండూ ప్రమాదంలో పడతాయి. ఇనుము, కాల్షియం, ఫోలిక్‌ యాసిడ్‌ వంటి మూలపదార్థాల లోపం వల్ల రక్తహీనత (అనీమియా) విస్తరిస్తోంది. ఈ సమస్యను పరిష్కరించడానికి ప్రభుత్వ పథకాలు ఉన్నా అవి ప్రతి మూలకు చేరడం లేదు. పిల్లలలో పోషకాహార లోపం అంటే భవిష్యత్తు తరాల బలహీనత. ఇది వారి మేధస్సు, అభ్యాస సామర్థ్యం, శారీరక ఎదుగుదలను ప్రభావితం చేస్తుంది. పాఠశాలలో హాజరు తగ్గడం, విద్యలో వెనుకబాటు రావడం వంటి సమస్యలు కూడా దీని దుష్పరిణామాలు. ఒక బలహీన శరీరంతో పిల్లవాడు దేశ భవిష్యత్తును నిర్మించలేడు ు కాబట్టి ఇది కేవలం వ్యక్తిగత సమస్య కాదు, జాతీయ సమస్య. భారత ప్రభుత్వం ‘‘పోషణ్‌ అభియాన్‌’’, ‘‘మిడ్‌-డే మీల్‌ స్కీమ్‌’’, ‘‘ఆంగన్‌వాడీ సేవలు’’ వంటి పథకాలను అమలు చేస్తోంది. వీటి ద్వారా గర్భిణీలకు, పిల్లలకు, పేదవర్గాలకు పోషకాహారం అందించడానికి ప్రయత్నిస్తోంది. అయితే ఈ పథకాలు కాగితాల మీద కాకుండా నేలస్థాయిలో సమర్థంగా అమలవ్వాలి. పర్యవేక్షణ వ్యవస్థ బలంగా ఉండాలి.

పోషకాహార లోపాన్ని తగ్గించడానికి కేవలం ప్రభుత్వమే కాదు, సమాజం మొత్తం భాగస్వామ్యం కావాలి. ప్రజల్లో పోషకాహారంపై అవగాహన పెంచడం, పాఠశాలలలో పోషక విద్య బోధించడం, స్థానికంగా లభ్యమయ్యే ఆహార పదార్థాలతో సమతుల్య ఆహారం తయారు చేయడం వంటి చర్యలు తీసుకోవాలి. రైతులు కూడా పోషక విలువలున్న పంటల సాగు వైపు దృష్టి సారించాలి. 

https://twitter.com/WFP/status/739269292919771137

పోషకాహార లోపం అనేది మన సమాజం యొక్క ఆరోగ్య సూచిక. ఒక దేశం ఆరోగ్యంగా ఉండాలంటే ప్రతి పౌరుడు బలంగా ఉండాలి. ఈ సమస్యను పరిష్కరించడం ద్వారా మాత్రమే మనం ఆర్థిక, సామాజిక అభివృద్ధిని సాధించగలం. పోషకాహారం అంటే ఖరీదైన ఆహారం కాదు. సంతులితమైన ఆహారం. అందుకే ప్రతి కుటుంబం ‘‘ఆహారం అంటే ఆరోగ్యం’’ అనే భావనను అర్థం చేసుకోవాలి. అవగాహనతో, చర్యలతో, సహకారంతో పోషకాహార లోపం అనే సమస్యను మనం తప్పక జయించగలం.

• తెలంగాణలోనూ భారీ వర్షాల ప్రభావం

• విద్యార్థుల భద్రతే ముఖ్యం: విద్యా సంస్థలకు సెలవులు

• రంగంలోకి అత్యవసర బృందాలు.. అప్రమత్తంగా ఉండాలి

బంగాళాఖాతంలో ఏర్పడిన ‘మొంథా’ తుఫాను తీవ్ర రూపం దాల్చి పెను తుఫానుగా మారింది. ప్రస్తుతం ఇది తీరం వైపు అత్యంత వేగంగా పయనిస్తోంది. నేడు మధ్యాహ్నం లేదా సాయంత్రం వేళల్లో కాకినాడ, విశాఖపట్నం మధ్య తీరం దాటే అవకాశం ఉందని భారత వాతావరణ శాఖ స్పష్టం చేసింది. తీరం దాటే సమయంలో గంటకు 100 నుంచి 120 కిలోమీటర్ల వేగంతో పెను గాలులు వీచే అవకాశం ఉందని, ఈదురు గాలుల తీవ్రత 140 కి.మీ. వరకు కూడా పెరగవచ్చని అధికారులు హెచ్చరించారు. తీర ప్రాంతాలలో అలలు ఉవ్వెత్తున ఎగిసి పడే అవకాశం ఉన్నందున, ప్రజలు అత్యంత అప్రమత్తంగా ఉండాలని విపత్తు నిర్వహణ సంస్థ సూచించింది.

• ఏడు జిల్లాలకు ‘రెడ్‌ అలర్ట్‌’ జారీ

తుఫాను తీవ్రత, దాని ప్రభావ అంచనా దృష్ట్యా ఆంధ్రప్రదేశ్‌ ప్రభుత్వం ముందస్తుగా కఠిన చర్యలు చేపట్టింది. ముఖ్యంగా ఎన్టీఆర్‌, కృష్ణా, గుంటూరు, పల్నాడు, ఉభయ గోదావరి జిల్లాలు, కాకినాడ జిల్లాలకు ‘రెడ్‌ అలర్ట్‌’ ప్రకటించింది. ఈ ప్రాంతాల్లో భారీ నుంచి అతి భారీ వర్షాలు, కొన్నిచోట్ల అత్యంత భారీ వర్షాలు కురిసే అవకాశం ఉందని హెచ్చరించింది. ఈ జిల్లాల్లో అత్యవసర విధుల్లో లేని ప్రభుత్వ ఉద్యోగులు, అధికారులందరూ కూడా అప్రమత్తంగా ఉండాలని, కిందిస్థాయి సిబ్బందిని సహాయక చర్యల కోసం సిద్ధం చేయాలని జిల్లా కలెక్టర్లకు ఆదేశాలు వెళ్లాయి. తుఫాను ప్రభావం తీవ్రంగా ఉండే లోతట్టు ప్రాంతాలు, నదీ పరీవాహక ప్రాంతాల ప్రజలను తక్షణమే సురక్షిత సహాయక శిబిరాలకు తరలించాలని ప్రభుత్వ యంత్రాంగం ఆదేశించింది. ఇందుకోసం జిల్లా యంత్రాంగాలు ప్రత్యేకంగా ఏర్పాట్లు చేశాయి. తాత్కాలిక పునరావాస కేంద్రాలలో వారికి అవసరమైన తాగునీరు, ఆహారం, వైద్య సదుపాయాలు ఏర్పాటు చేశారు. బలహీనమైన ఇళ్లలో నివసించే వారు, పాత భవనాల్లో ఉంటున్న వారు వెంటనే శిబిరాలకు తరలి వెళ్లాలని అధికారులు ప్రజలకు విజ్ఞప్తి చేశారు.

• https://twitter.com/ncbn/status/1982353209323819317

• తెలంగాణలోనూ భారీ వర్షాల ప్రభావం

  
  ఆంధ్రప్రదేశ్‌లో తుఫాను తీరం దాటినప్పటికీ, దాని పరోక్ష ప్రభావం తెలంగాణ రాష్ట్రంపై కూడా తీవ్రంగా ఉంటుందని వాతావరణ శాఖ ప్రకటించింది. ముఖ్యంగా హైదరాబాద్‌, రంగారెడ్డి, మేడ్చల్‌, నల్గొండ సహా పలు జిల్లాల్లో భారీ నుంచి అతి భారీ వర్షాలు కురిసే అవకాశం ఉంది. ఈ వర్షాల కారణంగా నగరాల్లోని లోతట్టు ప్రాంతాలు జలమయమయ్యే ప్రమాదం ఉందని, వ్యవసాయ భూములలో నీరు నిలిచిపోయే అవకాశం ఉందని అధికారులు హెచ్చరించారు. ప్రజలు బయటకు వెళ్లేటప్పుడు తగిన జాగ్రత్తలు తీసుకోవాలని సూచించారు.

• విద్యార్థుల భద్రతే ముఖ్యం: విద్యా సంస్థలకు సెలవులు

  
  తుఫాను ప్రభావం అధికంగా ఉండే తీర ప్రాంత జిల్లాల్లో ప్రభుత్వం అన్ని విద్యా సంస్థలకు సెలవు ప్రకటించింది. విద్యార్థుల భద్రతను దృష్టిలో ఉంచుకొని, ఈ నిర్ణయం తీసుకున్నామని విద్యాశాఖ ఉన్నతాధికారులు తెలిపారు. హాస్టళ్లలో ఉన్న విద్యార్థులను సురక్షిత ప్రాంతాలకు తరలించాలని, విద్యార్థుల తల్లిదండ్రులు ఆందోళన చెందవద్దని అధికారులు భరోసా ఇచ్చారు. పరిస్థితులను సమీక్షించిన తర్వాతే విద్యా సంస్థలను తిరిగి తెరిచే విషయమై నిర్ణయం తీసుకుంటామని ప్రభుత్వం పేర్కొంది.

https://share.google/oTik27wQR9hsu93KD

• అత్యవసర బృందాలు రంగంలోకి, అప్రమత్తంగా ఉండాలి

  విపత్తు సహాయక చర్యల కోసం జాతీయ విపత్తు ప్రతిస్పందన దళం మరియు రాష్ట్ర విపత్తు ప్రతిస్పందన దళం బృందాలను ఇప్పటికే అప్రమత్తం చేసి, తుఫాను ప్రభావిత ప్రాంతాల్లో మోహరించారు. పవర్‌ గ్రిడ్లు, కమ్యూనికేషన్‌ వ్యవస్థలు దెబ్బతినకుండా ముందస్తు జాగ్రత్తలు తీసుకుంటున్నారు. అత్యవసర పరిస్థితుల్లో ప్రజలు 1070/1077 లేదా స్థానిక కంట్రోల్‌ రూమ్‌ నంబర్లకు సంప్రదించాలని, ఎట్టి పరిస్థితుల్లోనూ పుకార్లను నమ్మవద్దని ప్రభుత్వ అధికారులు విజ్ఞప్తి చేశారు. మత్స్యకారులు వేటకు వెళ్లకూడదని, తీరం వెంబడి ప్రజలు అనవసరంగా గుమిగూడరాదని హెచ్చరికలు జారీ అయ్యాయి.