భారతదేశం ఒక వ్యవసాయ ప్రధాన దేశం. దేశ జనాభాలో సుమారు 55 శాతం మంది నేరుగా లేదా పరోక్షంగా వ్యవసాయంపై ఆధారపడిపోతున్నారు. కానీ ఈ రంగం ప్రస్తుతం తీవ్రమైన కష్టాల్లో చిక్కుకుంది. ఒకప్పుడు ‘‘అన్నదాత’’గా గౌరవించబడిన రైతు, ఇప్పుడు అప్పుల బారిన పడి, ఆత్మహత్యలు చేసుకునే పరిస్థితికి చేరుకున్నాడు. వర్షాలపై ఆధారపడే పంట వ్యవస్థ, మార్కెట్‌లో అస్థిర ధరలు, పెరుగుతున్న ఉత్పత్తి వ్యయం - ఇవన్నీ కలసి వ్యవసాయాన్ని లాభరహిత రంగంగా మార్చేశాయి. పంట పండిరచినా రైతు నష్టపోవడం, పండిరచకపోయినా నష్టపోవడం అనేది ఈ రంగానికి నేటి వాస్తవ చిత్రం. ప్రకృతి మార్పులు కూడా వ్యవసాయ రంగంపై తీవ్రమైన ప్రభావం చూపుతున్నాయి. గత కొన్నేళ్లుగా వర్షాల విధానం పూర్తిగా మారిపోయింది. ఎప్పుడు కురిసినా వరదలు, లేకుంటే కరువు అనే రెండు అతి పరిస్థితులు రైతును భయపెడుతున్నాయి. ఒకే పంటకు విత్తనాలు వేసినా వర్షాల కొరతతో పంట విఫలం కావడం, పంటలు మునిగి నష్టపోవడం తరచుగా జరుగుతోంది. ఈ కారణంగా రైతు ప్రతి సీజన్‌కి ముందు ‘‘ఈసారి వర్షం ఎలా ఉంటుంది?’’ అని భయపడుతున్నాడు. పంటలకు సరైన నీటి వనరులు లేకపోవడం వల్ల అనేక ప్రాంతాల్లో పొలాలు పాడైపోతున్నాయి. నీటిపారుదల ప్రాజెక్టులు నిర్మాణంలో ఉన్నా, వాటి ప్రయోజనం రైతు వరకూ సరిగా చేరడం లేదు. ఆర్థిక పరంగా చూస్తే రైతు స్థితి మరింత దయనీయంగా ఉంది. ఎరువులు, విత్తనాలు, పురుగుమందులు, డీజిల్‌, కార్మికుల వేతనాలు అన్నీ రోజురోజుకూ పెరుగుతూనే ఉన్నాయి. పంట పండిరచే ఖర్చు భారీగా పెరిగినా, మార్కెట్‌లో ధర మాత్రం పెరగడం లేదు. రైతు చెమటోడ్చి పండిరచిన పంటకు మధ్యవర్తులు, మిల్లర్లు, వ్యాపారులు అధిక లాభాలు సంపాదిస్తుండగా, నిజమైన కష్టజీవి రైతు చేతిలో మాత్రం తగినంత లాభం మిగలడం లేదు. ప్రభుత్వ మద్దతు ధరలు కూడా చాలా పంటలకు వర్తించకపోవడం రైతు నిరాశకు కారణం. పంటల బీమా పథకాలు, రైతు బంధు వంటి పథకాలు ఉన్నా అవి సరిగా అమలు కావడం లేదు. బీమా సంస్థలు పరిహారం చెల్లించడంలో ఆలస్యం చేస్తాయి. కొన్నిసార్లు పరిహారం రాకపోవడంతో రైతులు దెబ్బతింటున్నారు. ఒక పంట విఫలమైతే, దాని నష్టాన్ని తట్టుకునే స్థోమత రైతుకు ఉండదు.

ఈ స్థితి అతనిని అప్పుల బారిన పడేలా చేస్తుంది. గ్రామీణ రుణ వ్యవస్థలు సక్రమంగా పనిచేయకపోవడంతో రైతులు మళ్లీ ప్రైవేట్‌ అప్పులపై ఆధారపడుతున్నారు. ఈ దుష్ప్రభావం రైతు కుటుంబం మొత్తానికీ తీవ్ర సమస్యలను తెచ్చిపెడుతోంది. సాంకేతిక పరిజ్ఞానం వ్యవసాయంలో ఉపయోగపడే అవకాశం ఉన్నా, గ్రామీణ స్థాయిలో రైతులకు అవగాహన లేకపోవడం పెద్ద అడ్డంకిగా మారింది. డ్రిప్‌ ఇరిగేషన్‌, స్మార్ట్‌ ఫార్మింగ్‌, డ్రోన్ల ద్వారా పంట పరిశీలన వంటి ఆధునిక పద్ధతులు ఇప్పటికీ చాలా ప్రాంతాల్లో అందుబాటులో లేవు. ప్రభుత్వ వ్యవసాయ శాఖలు, పరిశోధనా కేంద్రాలు రైతులకు ప్రాక్టికల్‌ ట్రైనింగ్‌ ఇచ్చే విధంగా పనిచేయాల్సిన అవసరం ఉంది. పంటల ఎంపిక, నేల తత్వం, నీటి వినియోగం వంటి అంశాలలో శాస్త్రీయ మార్గదర్శకాలు అందిస్తే రైతులు మరింత లాభపడగలరు. వ్యవసాయ ఉత్పత్తులకు విలువ ఆధారిత మార్కెట్‌ వ్యవస్థ అవసరం. రైతు ఉత్పత్తులను ప్రాసెస్‌ చేసి ఎగుమతి చేయగల విధంగా ప్రభుత్వం మద్దతు ఇవ్వాలి. కోల్డ్‌ స్టోరేజ్‌ సదుపాయాలు, రవాణా సౌకర్యాలు, నేరుగా రైతు నుంచి వినియోగదారుడికి చేరే మార్కెట్లు ఏర్పాటైతే రైతుకు నిజమైన లాభం దక్కుతుంది.

మద్యవర్తుల ఆధిపత్యం తగ్గితే రైతు ఆదాయం పెరగగలదు. ఇది సాధ్యమైతేనే వ్యవసాయం తిరిగి స్థిరపడుతుంది. ప్రభుత్వాలు ప్రతి ఎన్నికల్లో రైతు సంక్షేమం పేరుతో హామీలు ఇస్తున్నా, అమలు మాత్రం సగం మాత్రమే జరుగుతోంది. రైతు సమస్యలను తాత్కాలికంగా పరిష్కరించే బదులు దీర్ఘకాలిక దిశగా ప్రణాళికలు అవసరం. నీటి వనరుల సమర్థ వినియోగం, రైతు విద్య, మార్కెట్‌ సంస్కరణలు, సాంకేతిక సహాయం ఇవన్నీ సమగ్రంగా అమలు అయితేనే రైతు నిజమైన అభివృద్ధి సాధ్యమవుతుంది. రైతు భవిష్యత్తు భద్రంగా ఉండటం అంటే దేశ భవిష్యత్తు భద్రంగా ఉండటం. రైతు లేకుండా దేశం బతకదు, ఆహార భద్రత కూలిపోతుంది. కాబట్టి వ్యవసాయ రంగాన్ని రక్షించడం ప్రతి ఒక్కరి బాధ్యత. రైతు చెమట చుక్కతో పుడుతున్న అన్నం విలువైనదని మనం గుర్తించాలి. రైతు చిరునవ్వు మళ్లీ కనిపించే రోజు రావాలంటే, అతనికి గౌరవం, భరోసా, భద్రత ఇవ్వడం మన సమాజపు తొలి కర్తవ్యం.

సాంకేతిక విప్లవం మన జీవితంలో విప్లవాత్మక మార్పులు తెచ్చింది. వాటిలో అత్యంత ముఖ్యమైనది సోషల్‌ మీడియా. ఫేస్‌బుక్‌, ఇన్‌స్టాగ్రామ్‌, యూట్యూబ్‌, ఎక్స్‌ (ట్విట్టర్‌), వాట్సాప్‌ వంటి వేదికలు నేటి మనిషి రోజువారీ జీవితంలో భాగమైపోయాయి. సమాచారాన్ని పంచుకోవడం, కొత్త విషయాలు తెలుసుకోవడం, స్నేహితులతో సంబంధాలు కొనసాగించడం ు ఇవన్నీ ఇప్పుడు కేవలం ఒక టచ్‌ దూరంలో ఉన్నాయి. కానీ ఈ సౌలభ్యం వెనుక ఉన్న ప్రమాదాలను మనం గమనించకపోతే, సోషల్‌ మీడియా ఆశీర్వాదం కాకుండా శాపంగా మారే ప్రమాదం ఉంది. సోషల్‌ మీడియా మనకు సమాచారాన్ని తక్షణం అందించే సాధనంగా మారింది. ప్రపంచంలో ఎక్కడ ఏం జరుగుతుందో క్షణాల్లో తెలుసుకునే అవకాశం కల్పించింది. రాజకీయాల నుంచి వినోదం వరకు, క్రీడల నుంచి వ్యాపారం వరకు అన్ని రంగాల సమాచారమూ ఇప్పుడు సోషల్‌ మీడియా ద్వారా చేరుతోంది. ఈ స్వేచ్ఛ మనకు తెలియని విషయాలను నేర్పుతున్నప్పటికీ, అదే సమయంలో అబద్ధాలూ, తప్పుడు వార్తలూ కూడా వేగంగా వ్యాపిస్తున్నాయి. సత్యం మరియు అపోహల మధ్య తేడా గుర్తించలేని పరిస్థితి ఏర్పడిరది. ఇది ప్రజాస్వామ్యానికి, సామాజిక సమన్వయానికి ప్రమాదకర సంకేతం. తప్పుడు సమాచారం లేదా ఫేక్‌ న్యూస్‌ సోషల్‌ మీడియాలో ప్రధాన సమస్యగా మారింది. రాజకీయ ప్రయోజనాలు, వర్గపోరాటాలు, మత విభజనలు ఇవన్నీ ఫేక్‌ పోస్టులు, దారి తప్పించే వీడియోలు, ఎడిట్‌ చేసిన ఫోటోల ద్వారా మరింత ప్రబలుతున్నాయి. ప్రజలు ఆ సమాచారాన్ని పరిశీలించకుండా నమ్మి షేర్‌ చేయడం వల్ల అపోహలు మరింత వేగంగా వ్యాపిస్తున్నాయి.

https://www.dishadaily.com/editpage/impact-of-social-media-on-youth-339812

దీని ప్రభావం ఎన్నికల ఫలితాలపై, సామాజిక వాతావరణంపై, వ్యక్తిగత సంబంధాలపై కూడా కనిపిస్తోంది. ఒక క్లిక్‌తో ప్రపంచం మారే ఈ కాలంలో బాధ్యతతో వ్యవహరించడం మనందరి కర్తవ్యం. మరోవైపు, సోషల్‌ మీడియా వ్యక్తిగత జీవితంపై చూపుతున్న ప్రభావం కూడా గమనించదగ్గది. మనిషి నేటి రోజుల్లో నిజ జీవితానికి దూరమై వర్చువల్‌ ప్రపంచంలో ఎక్కువ సమయం గడుపుతున్నాడు. లైకులు, ఫాలోవర్లు, కామెంట్లు మన భావోద్వేగాల మాపకం అయ్యాయి. ఇవి మనసులో అసహనం, పోలికలు, డిప్రెషన్‌ వంటి మానసిక సమస్యలకు దారి తీస్తున్నాయి. ముఖ్యంగా యువత ఈ మాయాజాలంలో ఇరుక్కుపోతున్నారు. వాస్తవ జీవితంలో కష్టపడటం కంటే, వర్చువల్‌ గుర్తింపు కోసం ఎక్కువగా ప్రయత్నిస్తున్నారు. ఇది సమాజంలో ఒక కొత్త ఒత్తిడిని సృష్టిస్తోంది. అయితే సోషల్‌ మీడియాకు సానుకూల వైపులూ ఉన్నాయి. ఇది సాధారణ ప్రజల గొంతుకగా మారింది. అన్యాయంపై మాట్లాడటానికి, అవినీతి బయట పెట్టడానికి, సామాజిక సేవా కార్యక్రమాలు విస్తరించడానికి ఇది గొప్ప వేదిక. ప్రకృతి విపత్తులు, రక్తదానం, సహాయ చర్యలు వంటి సందర్భాల్లో సోషల్‌ మీడియా ద్వారా సహాయం క్షణాల్లో చేరుతుంది. చిన్న వ్యాపారాలు కూడా తమ ఉత్పత్తులను ప్రపంచానికి పరిచయం చేయగలుగుతున్నాయి. కాబట్టి, దీనిని ఎలా వాడాలో తెలుసుకోవడమే అసలు కీ. సోషల్‌ మీడియా వినియోగంలో ప్రధానంగా బాధ్యత మరియు అవగాహన అవసరం. ఏ వార్త అయినా నమ్మకముందు దాని మూలాన్ని పరిశీలించడం అలవాటు కావాలి. వాస్తవం, అబద్ధం మధ్య తేడా తెలుసుకునే సామాజిక విద్య పాఠశాల స్థాయి నుంచే ఉండాలి. సాంకేతిక పరిజ్ఞానం అందించే స్వేచ్ఛ మన మంచికే, కానీ దాన్ని వాడే విధానం మన చేతుల్లోనే ఉంది. అవగాహనతో వాడితే సోషల్‌ మీడియా శక్తి అవుతుందిబీ అవివేకంగా వాడితే అది మానవ సంబంధాలను ధ్వంసం చేసే శక్తిగా మారుతుంది.

ప్రభుత్వాలు కూడా సోషల్‌ మీడియా నియంత్రణలో సంతులనం పాటించాలి. స్వేచ్ఛను అణగదీయకుండా, తప్పుడు సమాచారాన్ని అరికట్టే చట్టాలు అవసరం. సైబర్‌ సెక్యూరిటీ, డేటా ప్రైవసీ, ఆన్‌లైన్‌ ఎథిక్స్‌ వంటి అంశాల్లో కఠిన నిబంధనలు పెట్టి అమలు చేయాలి. అంతేకాక, సోషల్‌ మీడియా కంపెనీలు కూడా తమ బాధ్యతను గుర్తించి తప్పుడు సమాచారాన్ని వెంటనే తొలగించే విధానం పాటించాలి. సమాచార యుగం మనకు అసంఖ్యాక అవకాశాలు తెచ్చింది. కానీ సత్యం, అపోహ మధ్య ఉన్న సరిహద్దు రోజురోజుకీ మసకబారుతోంది. సోషల్‌ మీడియా ఒక అద్భుత సాధనమే కానీ, దాన్ని జాగ్రత్తగా వాడటం నేర్చుకోవాలి. ప్రతి యూజర్‌ తన మాట, తన పోస్ట్‌ సమాజంపై చూపే ప్రభావాన్ని ఆలోచిస్తేనే ఈ వేదిక మనకు నిజమైన శక్తిగా ఉంటుంది. సాంకేతికత మన చేతిలో ఉన్న సాధనం మాత్రమే దానిని మనం ఎలా వాడతామన్నదే భవిష్యత్తును నిర్ణయిస్తుంది.

ఢిల్లీ, అక్టోబర్‌ 27: భారత సర్వోన్నత న్యాయస్థానం సుప్రీంకోర్టు తదుపరి ప్రధాన న్యాయమూర్తి (%జజీI%)గా జస్టిస్‌ సూర్యకాంత్‌ నియమితులు కానున్నారు. ఈ మేరకు ప్రస్తుత ప్రధాన న్యాయమూర్తి జస్టిస్‌ బీఆర్‌ గవాయ్‌, తదుపరి సీజేఐగా జస్టిస్‌ సూర్యకాంత్‌ పేరును కేంద్ర న్యాయ మంత్రిత్వ శాఖకు అధికారికంగా సిఫార్సు చేశారు. సుప్రీంకోర్టులో అత్యంత సీనియర్‌ న్యాయమూర్తి సీజేఐ బాధ్యతలు చేపట్టడం అనేది ఆనవాయితీగా వస్తున్న పద్ధతికి అనుగుణంగానే ఈ సిఫార్సు జరిగింది. ప్రస్తుత సీజేఐ జస్టిస్‌ బీఆర్‌ గవాయ్‌ నవంబర్‌ 23న పదవీ విరమణ చేయనున్న నేపథ్యంలో, జస్టిస్‌ సూర్యకాంత్‌ను భారత 53వ ప్రధాన న్యాయమూర్తిగా నియమించేందుకు సిఫార్సు చేస్తూ గవాయ్‌ కేంద్ర న్యాయ మంత్రిత్వ శాఖకు లేఖ రాశారు. ఈ సిఫార్సు ఆమోదం పొందిన తర్వాత, జస్టిస్‌ సూర్యకాంత్‌ నవంబర్‌ 24, 2025న సీజేఐగా బాధ్యతలు చేపట్టనున్నారు. ఆయన ఫిబ్రవరి 9, 2027 వరకు, అంటే సుమారు 14 నెలలకు పైగా ఈ అత్యున్నత పదవిలో కొనసాగుతారు. జస్టిస్‌ సూర్యకాంత్‌ మే 24, 2019 నుంచి సుప్రీంకోర్టు న్యాయమూర్తిగా సేవలు అందిస్తున్నారు. హర్యానాకి చెందిన జస్టిస్‌ సూర్యకాంత్‌.. ఫిబ్రవరి 10, 1962న హిసార్‌లోని ఒక మధ్యతరగతి కుటుంబంలో జన్మించారు. 1981లో ప్రభుత్వ పోస్ట్‌ గ్రాడ్యుయేట్‌ కళాశాల నుండి పట్టభద్రుడై, 1984లో రోప్‌ాతక్‌లోని మహర్షి దయానంద్‌ విశ్వవిద్యాలయం నుండి న్యాయశాస్త్రంలో బ్యాచిలర్‌ డిగ్రీని పొందారు. 1984లోనే హిసార్‌ జిల్లా కోర్టులో న్యాయవాదిగా ప్రాక్టీస్‌ మొదలుపెట్టి, మార్చి 2001లో సీనియర్‌ న్యాయవాదిగా నియమితులయ్యారు. అనంతరం జనవరి 9, 2004న పంజాబ్‌ హర్యానా హైకోర్టుకు శాశ్వత న్యాయమూర్తిగా పదోన్నతి పొందారు.

ఆ తర్వాత అక్టోబర్‌ 5, 2018 నుండి హిమాచల్‌ ప్రదేశ్‌ హైకోర్టు ప్రధాన న్యాయమూర్తిగా పనిచేసిన జస్టిస్‌ కాంత్‌, 2019 మేలో సుప్రీంకోర్టు న్యాయమూర్తిగా పదోన్నతి పొంది ప్రస్తుతం సీనియర్‌ న్యాయమూర్తిగా కొనసాగుతున్నారు. సుప్రీంకోర్టు న్యాయమూర్తిగా ఆయన అనురాధ భాసిన్‌ వర్సెస్‌ యూనియన్‌ ఆఫ్‌ ఇండియా (2020) వంటి అనేక ముఖ్యమైన తీర్పులు వెలువరించారు. ఈ కేసులో జమ్మూ కాశ్మీర్‌లో ఇంటర్నెట్‌ యాక్సెస్‌ ఒక ప్రాథమిక హక్కు అని ఆయన ధర్మాసనం పేర్కొంది. సామాజిక న్యాయం, మానవ హక్కులు, పర్యావరణ పరిరక్షణతో పాటు రాజ్యాంగ స్ఫూర్తిని బలోపేతం చేసే అనేక సున్నితమైన కేసులలో జస్టిస్‌ సూర్యకాంత్‌ తీర్పులు ఇచ్చారు. కామన్‌ కాజ్‌ వర్సెస్‌ యూనియన్‌ ఆఫ్‌ ఇండియా (2018) వంటి పర్యావరణ సంబంధిత కేసులలో ఆయన కాలుష్య నియంత్రణకు కఠిన చర్యలను సమర్థించారు. మహిళా హక్కులు, లింగ సమానత్వం, ప్రైవసీ హక్కు వంటి అంశాలపై ఆయన వెలువరించిన తీర్పులు న్యాయ చరిత్రలో కీలకంగా నిలిచాయి.

https://tv9telugu.com/national/justice-surya-kant-set-to-be-the-next-chief-justice-cji-br-gavai-names-successor-1662270.html

 
ఢిల్లీ, అక్టోబర్‌ 27: దేశంలో వీధి కుక్కల దాడులు నిరంతరం పెరుగుతుండటంపై సుప్రీంకోర్టు తీవ్ర ఆందోళన వ్యక్తం చేసింది. ఈ అంశంపై విచారణ సందర్భంగా ధర్మాసనం సంచలన వ్యాఖ్యలు చేసింది. వీధి కుక్కల బెడద భారత ప్రతిష్టను అంతర్జాతీయ స్థాయిలో దెబ్బతీస్తోందని సుప్రీంకోర్టు వ్యాఖ్యానించింది. వీధి కుక్కల ఉన్మాదం మరియు అవి మానవులపై చేసే క్రూరత్వం గురించి ఏమంటారు అని పిటిషనర్లను ధర్మాసనం ప్రశ్నించింది. కుక్కల దాడులు పెరగడం ఆందోళన కలిగిస్తోందని, ఇలాంటి సంఘటనలు నిరంతరం జరుగుతున్నాయని కోర్టు విచారం వ్యక్తం చేసింది. వీధి కుక్కల బెడద కారణంగానే మన దేశాన్ని విదేశీయులు కించపరిచేలా మాట్లాడటానికి ఒక కారణం అవుతోందని సుప్రీంకోర్టు సంచలన వ్యాఖ్యలు చేసింది. ఈ వ్యాఖ్యలు దేశంలో వీధి కుక్కల నియంత్రణ అంశం ఎంత తీవ్రంగా ఉందో తెలియజేస్తున్నాయి.

https://vaartha.com/national/supreme-court-supreme-court-angered-by-stray-dogs/571445/

• రాష్ట్రాల సీఎస్‌లకు సమన్లు.. తీవ్ర ఆగ్రహం వ్యక్తం చేసిన సుప్రీం:

  వీధి కుక్కల సమస్యను పరిష్కరించడానికి మరియు నియంత్రించడానికి సంబంధించి సుప్రీంకోర్టు గతంలో జారీ చేసిన నియమాలను అమలు చేసే చర్యలపై అఫిడవిట్లు సమర్పించడంలో నిర్లక్ష్యం వహించిన రాష్ట్రాలపై జస్టిస్‌ విక్రమ్‌ నాథ్‌ తీవ్ర ఆగ్రహం వ్యక్తం చేశారు. పశ్చిమ బెంగాల్‌, తెలంగాణ రాష్ట్రాలు మినహా, సుప్రీంకోర్టు ఆదేశాల అమలు వివరాలను అఫిడవిట్‌ రూపంలో సమర్పించని అన్ని రాష్ట్రాలు, కేంద్రపాలిత ప్రాంతాల చీఫ్‌ సెక్రటరీలకు సుప్రీంకోర్టు సమన్లు జారీ చేస్తున్నట్లు జస్టిస్‌ విక్రమ్‌ నాథ్‌ తెలిపారు. అఫిడవిట్లను ఎందుకు సమర్పించలేదో వివరణ ఇవ్వాలని ఆయా రాష్ట్రాల చీఫ్‌ సెక్రటరీలను సుప్రీం ధర్మాసనం ఆదేశించింది. తదుపరి విచారణను వచ్చే సోమవారానికి వాయిదా వేశారు. ఈ సమన్లు మరియు ఆదేశాలు వీధి కుక్కల నియంత్రణకు రాష్ట్ర ప్రభుత్వాలు మరింత బాధ్యతాయుతంగా వ్యవహరించాల్సిన అవసరాన్ని నొక్కి చెబుతున్నాయి.

ఢిల్లీ , అక్టోబర్‌ 27: ఢిల్లీకి చెందిన యూపీఎస్సీ అభ్యర్థి రమేష్‌ కేశ్‌ మీనా (32) అనుమానాస్పద మృతి కేసులో సంచలన విషయాలు వెలుగులోకి వచ్చాయి. మొదట అగ్నిప్రమాదం (ఫైర్‌ యాక్సిడెంట్‌)గా భావించిన ఈ కేసు, పోలీసుల దర్యాప్తులో హత్యగా తేలింది. రమేష్‌ తన వద్ద ఉన్న ప్రైవేట్‌ వీడియోల కోసమే, ప్రియురాలు పక్కా ప్లాన్‌తో ఈ దారుణానికి ఒడిగట్టిందని పోలీసులు వెల్లడిరచారు. తిమార్‌పూర్‌లోని గాంధీ విహార్‌కు చెందిన రమేష్‌ యూపీఎస్సీకి ప్రిపేర్‌ అవుతున్నాడు. కొన్ని నెలల క్రితం అతడికి 21 ఏళ్ల అమ్రితతో పరిచయం ఏర్పడి, అది ప్రేమగా మారింది. ఇద్దరూ గాంధీ విహార్‌లో ఓ ఫ్లాట్‌ అద్దెకు తీసుకుని సహజీవనం మొదలుపెట్టారు. ఈ క్రమంలో, రమేష్‌ ఇద్దరూ ఏకాంతంగా గడిపిన దృశ్యాలను సీక్రెట్‌గా వీడియోలు తీసి, హార్డ్‌ డిస్క్‌లో దాచిపెట్టాడు 

ఈ విషయం అమ్రితకు తెలియడంతో, ఆమె రమేష్‌ను నిలదీసి, ఆ వీడియోలను తొలగించాలని కోరింది. అయితే, రమేష్‌ అందుకు నిరాకరించాడు. దీంతో ఆగ్రహానికి గురైన అమ్రిత, ఈ సమస్యను తన మాజీ ప్రియుడు సుమిత్‌ కశ్యప్‌కు చెప్పింది. వీడియోల విషయంలో రమేష్‌ బెదిరింపులకు పాల్పడుతుండటంతో, అమ్రిత, సుమిత్‌ కలిసి అతడిని హత్య చేయాలని నిర్ణయించుకున్నారు. సుమిత్‌ తన స్నేహితుడు సందీప్‌ కుమార్‌ సహాయం తీసుకున్నాడు. అక్టోబర్‌ 5వ తేదీ రాత్రి సుమిత్‌, సందీప్‌.. రమేష్‌ ఫ్లాట్‌కు వెళ్లి అతడిని కొట్టి, గొంతు నులిమి చంపేశారు. ఆ తర్వాత హత్యను ప్రమాదంగా చిత్రీకరించేందుకు, మృతదేహంపై నూనె, నెయ్యి, వైన్‌ పోశారు. సుమిత్‌ గ్యాస్‌ సిలిండర్‌ ఆన్‌ చేసి రమేష్‌ తల దగ్గర పెట్టి, సిగరెట్లు కాల్చే లైటర్‌ను అంటించి డెడ్‌ బాడీకి కొద్దిదూరంలో ఉంచాడు.

అనంతరం రమేష్‌కు సంబంధించిన రెండు ల్యాప్‌ట్యాప్‌లు, హార్డ్‌ డిస్క్‌లు తీసుకుని అక్కడి నుంచి పారిపోయారు. లీకైన గ్యాస్‌ వల్ల గంట తర్వాత లైటర్‌ అంటుకుని బ్లాస్ట్‌ జరగడంతో ఇల్లు మొత్తం కాలిపోయింది. మొదట పోలీసులు దీనిని అగ్నిప్రమాదంగా భావించినా, రమేష్‌ తల్లిదండ్రులు అనుమానం వ్యక్తం చేయడంతో అనుమానాస్పద మృతి కేసు నమోదు చేసి దర్యాప్తు చేపట్టారు. దర్యాప్తులో భాగంగా అక్టోబర్‌ 18న అమ్రితను అరెస్ట్‌ చేసి విచారించగా అసలు విషయం వెలుగులోకి వచ్చింది. మిగిలిన ఇద్దరు నిందితులు సుమిత్‌, సందీప్‌లను కూడా పోలీసులు అరెస్ట్‌ చేశారు.

న్యూ ఢల్లీి, అక్టోబర్‌ 27: అమెరికాలో అక్రమ వలసలపై అధ్యక్షుడు డొనాల్డ్‌ ట్రంప్‌ యంత్రాంగం ఉక్కుపాదం మోపుతున్న నేపథ్యంలో, ‘‘డంకీ రూట్‌’’  ద్వారా దేశంలోకి ప్రవేశించారనే ఆరోపణలపై 54 మంది భారతీయులను అమెరికా బహిష్కరించింది. స్వదేశానికి వెనక్కి పంపబడిన వారిలో అధికశాతం హర్యాణా రాష్ట్రానికి చెందిన యువకులే కావడం గమనార్హం.

బహిష్కరణకు గురైన వారిలో 16 మంది కర్నాల్‌కు చెందినవారు, 15 మంది కైతాల్‌కు చెందినవారు ఉన్నారు. అలాగే అంబాలా (5), యమునా నగర్‌ (4), కురుక్షేత్ర (4), జింద్‌ (3), సోనిపట్‌ (2), పంచకుల, పానిపట్‌, రోహ్తక్‌, ఫతేహాబాద్‌ నుంచి ఒక్కొక్కరు ఉన్నారు. వీరంతా 25 నుంచి 40 ఏళ్ల మధ్య వయస్సు వారేనని, ఢల్లీిలోని ఇందిరా గాంధీ ఇంటర్నేషనల్‌ ఎయిర్‌పోర్ట్‌కు చేరుకున్నట్లు పోలీసులు ధ్రువీకరించారు.

https://telugu.samayam.com/latest-news/india-news/us-deports-54-indian-youth-over-illegally-enter-via-dunki-route/articleshow/124844532.cms

ఈ 54 మంది అక్రమంగా ‘డంకీ రూట్‌’ ద్వారా అమెరికాలోకి ప్రవేశించినట్లు కర్నాల్‌ డీఎస్పీ సందీప్‌ కుమార్‌ తెలిపారు. బహిష్కరణకు గురైన వారందరినీ పోలీసుల ద్వారా వారి కుటుంబ సభ్యులకు అప్పగించారు. ట్రంప్‌ అధికారంలోకి వచ్చినప్పటి నుంచి అక్రమ వలసలపై కఠిన నిబంధనలు అమలు చేస్తున్నారు. అమెరికాలో అక్రమంగా నివసిస్తున్న వారిని గుర్తించి పెద్ద సంఖ్యలో స్వదేశాలకు పంపిస్తున్నారు. ఈ ఏడాది కూడా వేల సంఖ్యలో అక్రమవలసదారులను దేశం నుంచి బహిష్కరించినట్లు సమాచారం.

• -  పోలీసు అమరులు చేసిన త్యాగాలను ప్రతి ఒక్కరు స్మరించుకోవాలి.

• - పోలీసు త్యాగాలకు గౌరవంగా ప్రతి ఒక్కరూ చట్టపరిధిలో నడుచుకోవాలి.

• - డ్రగ్స్ తో యువత భవిష్యత్తు నాశనం అవుతుంది.

• - వ్యసనాలకు అలవాటు పడవద్దు.

• - బైక్ ర్యాలీలో ఉత్సాహంగా పాల్గొన్నారు పట్టణ పౌరులు, యువత 

సూర్యాపేట : పోలీసు అమరవీరుల సంస్మరణ కార్యక్రమాలలో భాగంగా ఈరోజు సూర్యాపేట జిల్లా కేంద్రంలో జిల్లా పోలీసుల అధ్వర్యంలో బైక్ ర్యాలీ నిర్వహించడం నిర్వహించడం జరిగినది. ఈ కార్యక్రమానికి జిల్లా ఎస్పి నరసింహ ఐపిఎస్ గారు హాజరై అధనపు ఎస్పి రవీందర్ రెడ్డి, జనార్ధన్ రెడ్డి లతో కలిసి జిల్లా పోలీస్ కార్యాలయం వద్ద బైక్ ర్యాలీ ప్రారంభించారు, ఈ ర్యాలీ ఎస్వీ ఇంజనీరింగ్ కళాశాల, కల్నల్ సంతోష్ బాబు చౌరస్తా, PSR సెంటర్, శంకర్ విలాస్ సెంటర్, MG రోడ్డు మీదుగా కొత్త బస్టాండ్ వరకు జరిగినది. కొత్త బస్టాండ్ వద్ద పౌరులతో జై జావాన్ , జై కిసాన్, జై పోలీస్ అంటూ, పోలీసు అమరవీరుల ఆశయాలను సాధిస్తాం అని పౌరులతో కలిసి నినాదాలు చేశారు.

ఈ సందర్బంగా ఎస్పి నరసింహ గారు మాట్లాడుతూ అమరవీరుల సంస్మరణ కార్యక్రమాలలో భాగంగా  ఈ కార్యక్రమం నిర్వహించడం జరిగిందన్నారు. పోలీసు అమరవీరులు చేసిన త్యాగాలను ప్రజలకు తెలియజేయాలని సదుద్దేశంతో మరియు పోలీసులు చేసే కఠినతరమైన విధులను ప్రజలకు తెలియజేయాలని ఉద్దేశంతో నిర్వహించడం జరుగుతుందని. ప్రతి పౌరుడు పోలీసు సమరవీరుల త్యాగాలను స్మరించుకోవాలని, పోలీసు త్యాగాలకు గుర్తుగా ప్రతి ఒక్కరు సత్ప్రవర్తనతో చట్టానికి లోబడి నడుచుకోవాలని సూచించారు,  పోలీసు అమరవీరులను అనునిత్యం స్మరించుకుంటూ, నిరంతరం ప్రజలలో చిరస్మరణీయంగా ఉండటానికి నిర్వహించడం జరుగుతుందని తెలిపారు. ప్రస్తుత సమాజంలో డ్రగ్స్ అత్యంత ప్రమాదకరంగా మారిందని వీటిని క్షేత్రస్థాయిలో నిర్మూలించడంలో పోలీసులు పౌరులు ప్రజలు భాగస్వామ్యం కావాలని కోరారు. యువత దేశ భవిష్యత్తు అని యువత చెడు మార్గంలో వెళ్ళవద్దని గాంజాయ్ డ్రగ్స్ కు అలవాటు పడవద్దు అని ఈ సందర్భంగా ఎస్పీ గారు కోరారు.

ఈ కార్యక్రమంలో అడ్మిన్ అదనపు ఎస్పీ రవీందర్ రెడ్డి, AR అధనపు ఎస్పి జనార్ధన్ రెడ్డి, సూర్యాపేట డివిజన్ DSP ప్రసన్న కుమార్, AR DSP నరసింహ చారి, పోలీస్ సంఘం అధ్యక్షులు రామచందర్, CI లు, RI నారాయణ రాజు, SI లు, RSI లు k అశోక్, ఎం అశోక్, సురేష్, సాయిరాం, రాజశేఖర్, యువత, పోలీసు సిబ్బంది పాల్గొన్నారు.

హైదరాబాద్ : హైదరాబాద్ ప్రెస్ క్లబ్ ఎన్నికలు ఆదివారం జరిగాయి. ఇందులో ప్రెస్ క్లబ్ ప్రసిడెంట్ గా విజయ్ కుమార్ రెడ్డి , వైస్ ప్రెసిడెంట్ గా అరుణ అతలూరి, జనరల్ సెక్రటరీ గా వరికుప్పల రమేష్ లు ఎన్నిక అయ్యారు . ప్రతి సభ్యుడికి ఐదు లక్షల లైఫ్ ఇన్షూరెన్స్, కుటుంబానికి రూ 5 లక్షల హెల్త్ ఇన్షూరెన్స్, ఏటా ఫ్యామిలీ ఈవెంట్ లు కల్పిస్తామని తమ మనుఫెస్టో లో తెలిపారు.

ఈ సందర్భంగా కళ్యాణం రాజేశ్వరి మాట్లాడుతూ ఈ సి సభ్యులు గా నాకు ఓటు వేసిన సభ్యులందరికీ హృదయపూర్వక ధన్యవాదాలు తెలిపారు. హైదరాబాద్ ప్రెస్ క్లబ్‌ను రాబోయే రోజుల లో అద్భుతంగా నడిపించడానికి కృషి చేస్తామని అన్నారు.

యాదాద్రి భువనగిరి : యాదాద్రి భువనగిరి జిల్లా కలెక్టరేట్ లో మంత్రి కోమటి రెడ్డి సమక్షంలో సమీక్ష సమావేశం నిర్వహించారు. ఈ కార్యక్రమంలో ఎంపీ చామల పాల్గొన్నారు. రోడ్డు ,భవనాలు & సినిమాటోగ్రఫీ శాఖ మంత్రివర్యులు శ్రీ కోమటిరెడ్డి వెంకటరెడ్డి , భువనగిరి పార్లమెంట్ సభ్యులు శ్రీ చామల కిరణ్ కుమార్ రెడ్డి , ఆలేరు శాసనసభ్యులు ప్రభుత్వ విప్ శ్రీ బీర్ల ఐల్లయ్య తో కలిసి పత్తి, ధాన్యం కొనుగోలు పై సమీక్షా సమావేశం నిర్వహించారు.

ఈ సందర్భంగా ఎంపీ చామల మాట్లాడుతూ: పత్తి మరియు ధాన్యాన్ని వెంటనే కొనుగోలు చేసి రైతులకు ఎలాంటి ఇబ్బంది కలవకుండా చూడాలని అన్నారు,
ఈ కార్యక్రమంలో యాదాద్రి భువనగిరి జిల్లా కలెక్టర్ హనుమంతరావు, ఇతర శాఖల అధికారులు పాల్గొన్నారు.

నేడు తెలంగాణ వ్యాప్తంగా మద్యం దుకాణాల టెండర్ల డ్రా ప్రక్రియ, మొత్తం 2620 మద్యం దుకాణాలకు ఈరోజు  జిల్లా కలెక్టర్ల చేతుల మీదుగా ప్రారంభంకానున్న డ్రా ప్రక్రియ. రాష్ట్ర వ్యాప్తంగా మద్యం దుకాణాల(ts-liquor-shops) ఏర్పాటు కోసం ఆబ్కారీశాఖ దరఖాస్తులు స్వీకరించిన విషయం తెలిసిందే. రాష్ట్రవ్యాప్తంగా 2,620 మద్యం దుకాణాలకు 95,137 దరఖాస్తులు వచ్చాయి. అయితే వచ్చిన దరఖాస్తులకు నేడు లక్కీడ్రా నిర్వహించనున్నారు.

• 34 కేంద్రాలలో వివరాలు ఈ క్రింది విదంగా ఉన్నాయి 

https://tv9telugu.com/telangana/telangana-government-new-guidelines-on-liquor-shops-allocation-572817.html

మద్యం దుకాణాల ఎంపిక కోసం చేపట్టిన దరఖాస్తుల లక్కీడ్రా నిర్వహణకు ఆబ్కారీశాఖ అధికారులు అన్ని రకాల ఏర్పాట్లు పూర్తి చేశారు. ఈ రోజు ఉదయం 11 గంటలకు ఆయా జిల్లాల కలెక్టర్ల సమక్షంలో లక్కీ డ్రా నిర్వహిస్తారు. ఈ లక్కీడ్రాలో మద్యం దుఖాణాలు ఎవరికీ దక్కుతాయో తేలనుంది.

హైదరాబాద్ 26 :  మినిస్టర్ క్వార్టర్స్ లో మంత్రి పొన్నం ప్రభాకర్ నేతృత్వంలో జూబ్లీహిల్స్ నియోజకవర్గంలోని యూసుఫ్ గూడా డివిజన్ కి సంబంధించి కాంగ్రెస్ పార్టీ నేతల కీలక సమావేశం.  సమావేశంలో పాల్గొన్న ముఖ్యమంత్రి సలహాదారు వేం నరేందర్ రెడ్డి, ఎమ్మెల్యేలు ఈర్లపల్లి శంకయ్య, కసిరెడ్డి నారాయణ రెడ్డి , బత్తుల లక్ష్మా రెడ్డి, జయవీర్   రెడ్డి , బెల్లయ్య నాయక్ ,శివసేన రెడ్డి , గిరిధర్ రెడ్డి,గుత్తా అమిత్ రెడ్డి,ఎగ్గే మల్లేశం ,లక్ష్మణ్ యాదవ్, ఝాన్సీ రెడ్డి , కుస్రు పాషా ,సంజయ్ గౌడ్ , డివిజన్ ప్రెసిడెంట్ ఫిరోజ్ ఖాన్, ఇతర ముఖ్య నేతలు ఈ సమావేశంలో పాల్గొన్నారు.

• నవీన్ యాదవ్ కు మద్దతుగా ప్రచారాన్ని మరింత వేగవంతం

తమ పార్టీ ఈ  ఉప ఎన్నికల్లో జూబ్లీహిల్స్ నియోజకవర్గంలో కాంగ్రెస్ పార్టీ అభ్యర్థి నవీన్ యాదవ్ కు మద్దతుగా ప్రచారాన్ని మరింత వేగవంతం చేసేలా కార్యాచరణ చేయాలని నిర్ణయం తెసుకున్నారు. 

• ముఖ్యమంత్రి గారి రోడ్ షో తో మరింత జోష్ నింపేలా కార్యాచరణ.

ప్రచారం యూసుఫ్ గూడా డివిజన్ లోని ప్రతి కాలని లో డోర్ టూ డోర్ ప్రచారం చేస్తూ ప్రజా పాలన ప్రభుత్వం అమలు చేస్తున్న సంక్షేమ పథకాలు వివరించాలని ,లోకల్ క్యాడర్ లో జూబ్లీహిల్స్ లో కాంగ్రెస్ గెలుస్తుంది అని మరింత ఉత్సాహం నింపాలి. ప్రతి 100 ఓట్లకు ఒక ఇంచార్జి ను ఏర్పాటు చేసుకొని పోలింగ్ రోజు ప్రతి ఓటరు పోలింగ్ కేంద్రానికి చేరుకొని ఓటు వేసేలా కార్యాచరణ....

• పోలింగ్ శాతాన్ని పెంచేలా ప్రజల్లో అవగాహన

యూసుఫ్ గూడా డివిజన్ లో భారీ మెజారిటీ వచ్చేలా కార్యాచరణ చేయాలని, పోలింగ్ శాతాన్ని పెంచేలా ప్రజలలో అవగాహన పెంచాలని మంత్రి పొన్నం ఈ మీటింగ్ లో తెలిపారు. 

పోషకాహార లోపం అంటే కేవలం ఆకలి కాదు, అది ఆరోగ్యానికి అవసరమైన సక్రమమైన పోషక పదార్థాలు అందకపోవడం. మన దేశంలో ఇది ఇంకా తీవ్రమైన సామాజిక సమస్యగా కొనసాగుతోంది. పిల్లలు, గర్భిణీలు, వృద్ధులు, పేదవర్గాల ప్రజలు దీనికి ఎక్కువగా గురవుతున్నారు. ఐక్యరాజ్యసమితి గణాంకాల ప్రకారం, ప్రపంచవ్యాప్తంగా ప్రతి సంవత్సరం కోట్లాది మంది పిల్లలు పోషకాహార లోపంతో బాధపడుతున్నారు. భారతదేశం వంటి అభివృద్ధి చెందుతున్న దేశంలో ఇది మరింత గంభీరమైన సవాలు. మన శరీరానికి అవసరమైన ప్రోటీన్‌, విటమిన్లు, ఖనిజ లవణాలు, కొవ్వులు, కర్బోహైడ్రేట్లు సరైన మోతాదులో అందకపోవడమే పోషకాహార లోపం. దీని ఫలితంగా శరీర వికాసం, రోగనిరోధక శక్తి, మానసిక అభివృద్ధి అంతరాయానికి లోనవుతాయి. పిల్లల్లో ఇది శారీరక ఎదుగుదలను మందగింపజేస్తుందిబీ గర్భిణీల్లో తక్కువ బరువుతో పిల్లలు పుట్టే ప్రమాదం పెరుగుతుంది.

https://www.youtube.com/watch?v=1yzGu7LpN5Y
భారతదేశం పోషకాహార లోపంతో పోరాడుతున్న దేశాలలో ఒకటి. ‘‘నేషనల్‌ ఫ్యామిలీ హెల్త్‌ సర్వే )’’ ప్రకారం, 5 సంవత్సరాల లోపు పిల్లల్లో సుమారు 35% మంది తక్కువ బరువుతో ఉన్నారు. గ్రామీణ ప్రాంతాల్లో ఈ శాతం మరింత ఎక్కువ. పేదరికం, నిరక్షరాస్యత, తల్లిదండ్రుల అవగాహన లేకపోవడం, శుభ్రమైన నీరు లేకపోవడం ు ఇవన్నీ ప్రధాన కారణాలు. మహిళలు, ముఖ్యంగా గర్భిణీలు మరియు పాలిచ్చే తల్లులు, పోషకాహార లోపానికి అత్యంత ప్రమాదంలో ఉన్న వర్గం. గర్భధారణ సమయంలో సరైన ఆహారం అందకపోతే తల్లీబిడ్డల ఆరోగ్యం రెండూ ప్రమాదంలో పడతాయి. ఇనుము, కాల్షియం, ఫోలిక్‌ యాసిడ్‌ వంటి మూలపదార్థాల లోపం వల్ల రక్తహీనత (అనీమియా) విస్తరిస్తోంది. ఈ సమస్యను పరిష్కరించడానికి ప్రభుత్వ పథకాలు ఉన్నా అవి ప్రతి మూలకు చేరడం లేదు. పిల్లలలో పోషకాహార లోపం అంటే భవిష్యత్తు తరాల బలహీనత. ఇది వారి మేధస్సు, అభ్యాస సామర్థ్యం, శారీరక ఎదుగుదలను ప్రభావితం చేస్తుంది. పాఠశాలలో హాజరు తగ్గడం, విద్యలో వెనుకబాటు రావడం వంటి సమస్యలు కూడా దీని దుష్పరిణామాలు. ఒక బలహీన శరీరంతో పిల్లవాడు దేశ భవిష్యత్తును నిర్మించలేడు ు కాబట్టి ఇది కేవలం వ్యక్తిగత సమస్య కాదు, జాతీయ సమస్య. భారత ప్రభుత్వం ‘‘పోషణ్‌ అభియాన్‌’’, ‘‘మిడ్‌-డే మీల్‌ స్కీమ్‌’’, ‘‘ఆంగన్‌వాడీ సేవలు’’ వంటి పథకాలను అమలు చేస్తోంది. వీటి ద్వారా గర్భిణీలకు, పిల్లలకు, పేదవర్గాలకు పోషకాహారం అందించడానికి ప్రయత్నిస్తోంది. అయితే ఈ పథకాలు కాగితాల మీద కాకుండా నేలస్థాయిలో సమర్థంగా అమలవ్వాలి. పర్యవేక్షణ వ్యవస్థ బలంగా ఉండాలి.

పోషకాహార లోపాన్ని తగ్గించడానికి కేవలం ప్రభుత్వమే కాదు, సమాజం మొత్తం భాగస్వామ్యం కావాలి. ప్రజల్లో పోషకాహారంపై అవగాహన పెంచడం, పాఠశాలలలో పోషక విద్య బోధించడం, స్థానికంగా లభ్యమయ్యే ఆహార పదార్థాలతో సమతుల్య ఆహారం తయారు చేయడం వంటి చర్యలు తీసుకోవాలి. రైతులు కూడా పోషక విలువలున్న పంటల సాగు వైపు దృష్టి సారించాలి. 

https://twitter.com/WFP/status/739269292919771137

పోషకాహార లోపం అనేది మన సమాజం యొక్క ఆరోగ్య సూచిక. ఒక దేశం ఆరోగ్యంగా ఉండాలంటే ప్రతి పౌరుడు బలంగా ఉండాలి. ఈ సమస్యను పరిష్కరించడం ద్వారా మాత్రమే మనం ఆర్థిక, సామాజిక అభివృద్ధిని సాధించగలం. పోషకాహారం అంటే ఖరీదైన ఆహారం కాదు. సంతులితమైన ఆహారం. అందుకే ప్రతి కుటుంబం ‘‘ఆహారం అంటే ఆరోగ్యం’’ అనే భావనను అర్థం చేసుకోవాలి. అవగాహనతో, చర్యలతో, సహకారంతో పోషకాహార లోపం అనే సమస్యను మనం తప్పక జయించగలం.